Аоператә шәаҳәаҩцәа рконцерт "GRAND OPERA GALA" мҩаԥысраны иҟоуп Аҟәа

© SputnikАоператә шәаҳәаҩцәа рконцерт "GRAND OPERA GALA" мҩаԥысраны иҟоуп Аҟәа
Аоператә шәаҳәаҩцәа рконцерт GRAND OPERA GALA мҩаԥысраны иҟоуп Аҟәа - Sputnik Аҧсны
Анапаҵаҩра
НовостиTelegram
Самсон Ҷанба ихьӡ зху Аԥсуа драматә театр аҟны нанҳәа 9 асааҭ 20:00 рзы имҩаԥысраны иҟоуп аԥсуа оператә шәаҳәаҩцәа рконцерт "GRAND OPERA GALA".

АҞӘА, нанҳәа 9 – Sputnik, Анжелика Бениаԥҳа. Самсон Ҷанба ихьӡ зху Аԥсуа драматә театр аҟны нанҳәа 9 асааҭ 20:00 рзы имҩаԥысраны иҟоуп аԥсуа оператә шәаҳәаҩцәа рконцерт "GRAND OPERA GALA". Аконцерт Аԥсны атәылауааи асасцәеи ҳамҭас ирызцәырнагараны иҟоуп Италиа, Австриа, Урыстәыла иреиӷьу рырҿиамҭақәа, иҳәеит Гнессинаа рыхьӡ зху Урыстәылатәи амузыкатә академиа аушьҭымҭа Саид Гобечиа.

"Ҳара еиуеиԥшым апрограмма азҳархиеит адунеитә классикатә музыка аҟынтәи", — иҳәеит Гобечиа.

Гобечиа иажәақәа рыла аконцерт амҩаԥгара иалахәуп Аԥсны аҳәынҭқарратә камератә оркестр, иара убасгьы Адыгеиа, Краснодар, Шәача рҟынтәи асолистцәа.

Аоркестр адирижиор, Аԥсны зҽаԥсазтәыз артист Давид Терзиан иазгәеиҭеит аоператә шәаҳәаҩы изанааҭ акырӡа иуадаҩу занааҭны ишыҟоу.

Алахәылацәа ишырҳәо ала аконцерт ахәаԥшҩы акраамҭа ихамышҭыртә еиҿкаауп. Араҟа инагӡахоит еицырдыруа акомпозиторцәа Джузеппе Верди, Винченцо Беллини, Джакомо Пучинни, Петр Чаиковский реиԥш иҟоу рариақәеи рувертиурақәеи рыла. Иара убасгьы инагӡахоит аԥсуа композициақәа "Гудиса", "Шьишь нани" уҳәа акыр рҿиамҭа.

"GRAND OPERA GALA" раԥхьаӡа акәны имҩаԥысит 2015 шықәса нанҳәа 10 рзы.

Ажәабжьқәа зегьы
0