Искандер ихьӡ зху апремиа аԥшьгоуп

© Sputnik / Устинов / Амедиаҵәахырҭахь аиасраФазиль Искандер
Фазиль Искандер - Sputnik Аҧсны
Анапаҵаҩра
НовостиTelegram
Апремиа ҟалоит х-номинациакны: апроза, апоезиа, Искандер ирҿиамҭала акиносценари рҿы.

АҞӘА, нанҳәа 9 — Sputnik. Ашәҟәыҩҩцәа адунеизегьтәи реиҿкаара Урыстәылатәи аҟәша ишьаҭанаркит ашәҟәыҩҩы Фазиль Искандер ихьӡ зху апремиа, ҳәа аанацҳауеит ацентр апресс-маҵзура.

"Урыстәылеи Аԥсни ркультурақәа рахь илагала ду азы Ашәҟәыҩҩцәа адунеизегьтәи реиҿкаара Урыстәылатәи аҟәша ишьаҭанаркит ашәҟәыҩҩы Фазиль Искандер ихьӡ зху апремиа", — рҳәеит апресс-маҵзураҟны.

Апремиа ҟалоит х-номинациакны: апроза, апоезиа, Искандер ирҿиамҭала акиносценари рҿы.

"Апремиа ахықәкы аурыс, аԥсуа шәҟәыҩҩы ду, Ашәҟәыҩҩцәа адунеизегьтәи реиҿкаара Урыстәылатәи аҟәша апрезидент ихаҭыԥуаҩ, афилософ Фазиль Искандер ихьӡ анаӡаӡатәроуп. Иара убасгьы уи ала иаҳҭахуп алитераторцәа ҿарацәа Искандер итрадициақәа рылааӡара, ииумори иԥшӡареи реиқәырхара", ҳәа рҳәеит ацентр аҟны.

Фазиль Абдул-иԥа Искандер диит хәажәкыра 6 1929 шықәса рзы, Аҟәа. 1954 шықәса рзы далгеит А.М. Горки ихьӡ зху Алитературатә институт.

Фазиль Искандер, 1980 шш. - Sputnik Аҧсны
Аԥсуаа мацара даҳтәымызт: Фазиль Искандер изкны

Ҩышықәса рышьҭахь дхынҳәуеит Аԥсныҟа, Аҳәынҭшәҟәҭыжьырҭа аԥсуа ҟәша аредакторс.

1956 инаркны иҩымҭақәа ркьыԥхьуан ажурналқәа: "Смена", "Неделя", "Костер", "Сельская молодежь" уҳәа рыҟны. Раԥхьатәи иажәеинраалақәа реизга "Горные тропы" ҭыҵит 1957 шықәса рзы Аҟәа. 1966 шықәса рзы ажурнал "Новый мир" аҟны икьыԥхьын аповест — "Созвездие Козлотура".

Искандер ирҿиамҭақәа ирылукаартә иҟоуп "Сандро из Чегема" (1973-1988, автобиографиатә ҩымҭа).

Искандер иажәабжьқәеи иповестқәеи еиҭагоуп шамахамзар европатәи абызшәақәа зегьы рахь.

Искандер иҩымҭақәа ирылхны иҭыхын абарҭ афильмқәа: "Воры в законе", "Пиры Валтасара, или Ночь со Сталиным", "Маленький гигант большого секса".

Фазиль Искандер ианашьан аорденқәа "За заслуги перед Отечеством" III (1999), II (2004), IV (2009) аҩаӡарақәа, "Ахьӡ-аԥша" аорден I аҩаӡара, Аԥсны (2002).

Ажәабжьқәа зегьы
0