АҞӘА, нанҳәа 10 — Sputnik. Ҭырқәтәыла Ахада Таиип Ердоган Санкт-Петербургҟа днеиит. Уаҟа еиԥылеит Урыстәыла Ахада Владимир Путини иареи.
Стрельнатәи аиԥылара атәылақәа рыҩбагь реизыҟазаашьа зыруадаҩыз аҳаирыплан Су-24 акажьра ахҭыс ашьҭахь ираԥхьатәиуп.
Уаанӡа Путини Ердогани еиԥылахьан абҵара 16 2015 шықәса рзы Анталиа, асаммит G20 аҟны. Ԥхынгәы анҵәамҭазы Ердоган иҟаиҵеит аинышәаразы раԥхьатәи ашьаҿа, уи Путин ихьӡала ашәҟәы ааишьҭит, икарыжьыз аҳаирплан Су-24 азы аҭамзаара шьҭеиҵеит. Уи ашьҭахь ҭелла аицәажәара мҩаԥысит. Аицәажәара ашьҭахь Урыстәыла Ахада иӡбоит ахәаахәҭра-економикатә еизыҟазаашьақәа реиҭашьақәыргылара апроцесс хацыркызарц.
Урыстәылеи Ҭырқәтәылеи рхадацәа рылацәажәараны иҟоуп азҵаара рацәа. Уахь ирылоуп икарыжьыз аҳаирплан азы ахараԥса ашәара азҵаарагьы.
