Милена Барцыцԥҳа аконкурс "Детская Новая волна 2016" далахәхоит

© Sputnik / Сергей Мальгавко / Амедиаҵәахырҭахь аиасраҞрым иҟоу жәларбжьаратәи ахәыҷтәы центр "Артек".
Ҟрым иҟоу жәларбжьаратәи ахәыҷтәы центр Артек. - Sputnik Аҧсны
Анапаҵаҩра
НовостиTelegram
Милена Барцыцԥҳа далахәхоит аԥшьаша, нанаҳәа 11 рзы иаатуа авокалтә конкурс "Детская Новая волна 2016".

АҞӘА, нанҳәа 11 – Sputnik, Бадраҟ Аҩӡба. Милена Барцыцԥҳа, аԥсуа шәаҳәаҩ қәыԥш, далахәхоит аԥшьаша, нанаҳәа 11 рзы Ҟрым жәларбжьаратәи ахәыҷтәы центр "Артек" аҟны иаатуа авокалтә конкурс "Детская Новая волна 2016". Абри атәы Sputnik акорреспондент изаалыцҳаит Милена лан Илона Ақаҩԥҳа.

"Даара ибзианы ҳрыдыркылеит. Иацы арепитициа хада мҩаԥаагеит. Азал уахьыныҩналоз иқәыргылаз абираҟқәа ирылагылан аԥсуа бираҟгьы. Даара агәышьҭыхреи агәалаҟазаареи ҳнаҭеит", — лҳәеит лара.

Ҟрым жәларбжьаратәи ахәыҷтәы центр "Артек" аҟны иаатуа авокалтә конкурс "Детская Новая волна 2016" иалахәхоит 11 тәыла рҟынтәи 15-ҩык ашәаҳәаҩцәа қәыԥшцәа.

"Милена раԥхьатәи амш азы аԥсуа ашәа лҳәоит (ажәақәеи амузыкеи Анри Гәмба), аҩбатәи амш азы — ConIFA 2016 ачемпионат агимн", ҳәа азгәалҭоит Илона.

Лара лажәақәа рыла Милена дазыҟаиҵон еицырдыруа ашәаҳәаҩ, акомпозитор Алеқсандр Шьоууа. Лара иара убасгьы ҭабуп ҳәа лалҳәоит Хьыбла Гьерзмааԥҳа ашәаҳәаҩ қәыԥш илылҭоз адгыларазы.

Аконкурс ажиури иалахәхоит: Евгени Крылатов, Лев Лешьченко, Ирина Дубцова, Сергеи Лазарев, Филипп Киркоров, ахантәаҩыс дҟалоит Игорь Крутои.

Ажәабжьқәа зегьы
0