АҞӘА, нанҳәа 15 — Sputnik. Нанҳәа 12 2016 шықәса рзы Аԥсны Ахада Рауль Ҳаџьымба Идҵа инақәыршәаны Аԥыза-министр ихаҭыԥуаҩыс дҟаҵоуп Сериков Дмитри Николаи-иԥа. Абри атәы аанацҳаит атәыла Ахада Иусбарҭа.
Сериков Дмитри Николаи-иҧа диит 1976ш. абҵара 29 рзы Москва ақ. аҟны.
2000 ш. далгеит Москватәи анџьныр-физикатә институт. 2002 ш. далгеит Урыстәылатәи Афедерациа Аиҳабыраҟны Аҳәынҭқарратә финанстә академиа.
2000-2002 шш. Аус иуан Урыстәылазегьтәи автоматика аҵарадырра-ҭҵааратә институт аҿы.
2002-2004 шш. – ИАУ "Соник Дуо" аҟны аҳасабеилыргаҩы-аекономист, Мегафон-Москва аимадара операторс дыҟоуп.
2004-2011 шш. рзы ИАУ "АҞӘАФОН-GSM" афинанстә директорс, Аҧсны Аҳәынҭқарра аҭелтә еимадара аоператорс аус иуан.
2011-2015 шш. – ИАУ "АҞӘАФОН-GSM" аоперациатә усзуразы адиректор хада ихаҭыҧуаҩыс дыҟан.
2015 шықәса мшаҧымза инаркны Аҧсны Аҳәынҭқарра аҧыза-министр ихаҭыҧуаҩыс даҭан.
Дҭаацәароуп.
