Еихамҩала Аԥсныҟа иаауа рхыԥхьаӡара еизҳауеит

© Sputnik / Томас ТхайцукЕихамҩала Аԥсныҟа иаауа рхыԥхьаӡара еизҳауеит
Еихамҩала Аԥсныҟа иаауа рхыԥхьаӡара еизҳауеит - Sputnik Аҧсны
Анапаҵаҩра
НовостиTelegram
Аушьҭырҭатә пункт "Адлер" Урыстәылатәи Афедерациеи Аԥсны Аҳәынҭқарреи еиднаҳәалоит.

АҞӘА, нанҳәа 16 – Sputnik. Аушьҭырҭатә пункт "Адлер" Урыстәылатәи Афедерациеи Аԥсны Аҳәынҭқарреи еиднаҳәалоит. Араҟа дәыӷбала аҳәаа иахысуа апассаџьырцәа рхыԥхьаӡара 2016 шықәса рзы 42% еизҳаит ҵыԥхтәи аамҭа иадкыланы уахәаԥшуазар. Абри атәы аанацҳаит Шәачатәи аҳазалхратә маҵзура.

2016 шықәса рзы аҳәаа иахысуеит адәыӷбақәа: Адлер — Аҟәа, Москва – Аҟәа, Санкт-Петербург – Аҟәа, Белгород — Аҟәа.

"2016 шықәса рзы аҳәаа иахысит 198 000-ҩык апассаџьырцәа. Уи ҵыԥх уажәааны инақәыршәаны 42% рыла еиҳауп", ҳәа азгәаҭоуп адырраҟны.

Аӡын бжьаратәла уахыки-ҽнаки аҳәаа иахысуеит 250–ҩык, аԥхын — 1,5 000-ҩык. Нанҳәаз акәзар ари ахыԥхьаӡара иҵегь еизҳауеит.

"Аиҳарак урҭ Урыстәылантәи ԥсшьара ҳәа Аԥсныҟа иаауа аԥсшьаҩцәа роуп. Аҳазалхратә хылаԥшра мҩаԥыргоит апассаџьырцәа адәыӷбаҿ ишыҟоу, аангыларҭа Веселое аҟны", ҳәа арбоуп адырраҟны.

Ажәабжьқәа зегьы
0