Гал араион аҟны абџьар ҵәахны ирбеит

© flickr.comГал араион аҟны абџьар ҵәахны ирбеит
Гал араион аҟны абџьар ҵәахны ирбеит - Sputnik Аҧсны
Анапаҵаҩра
Аԥсны Ашәарҭадаратә маҵзуреи, Аҩныҵҟатәи аусқәа рминистрреи Аԥсны иҟоу Урыстәыла Афедералтә шәарҭадаратә маҵзура Аҳәаахьчаратә усбарҭеи рмаҵзуҩцәа еицымҩаԥыргеит Гал араион аҟны изакәанымкәа иҟоу абџьар аԥшааразы ареидқәа.

АҞӘА, нанҳәа 19 – Sputnik. Аԥсны Ашәарҭадаратә маҵзуреи, Аҩныҵҟатәи аусқәа рминистрреи Аԥсны иҟоу Урыстәыла Афедералтә шәарҭадаратә маҵзура Аҳәаахьчаратә усбарҭеи рмаҵзуҩцәа еицымҩаԥыргеит Гал араион аҟны изакәанымкәа иҟоу абџьар аԥшааразы ареидқәа. Мызкы аҩныҵҟа Гал араион "аҩадатәи азона" ҳәа иахьашьҭо ирбеит абџьар ҭаҵәахырҭақәа ҩба. Абри атәы аанацҳаит Аԥсны ашәарҭадаратә маҵзура.

"Иаарԥшын: акарабин (акалибр 7,62 мм), ашәарыцага шәақьқәа 2, аџьаԥҳаны. Иазгәаҭатәуп имҩаԥгаз ауснагӡатә иамаз аҵакы аҭыԥантәи ауааԥсыра ршәарҭадаразы", ҳәа азгәаҭоуп адырраҟны.

Иахьатәи аамҭазы Аԥсны имҩаԥысуеит азакәан ҵаҵӷәы змам абџьари аџьаԥҳани рыԥшаареи рылгареи. Аамҭа-аамҭала Гал араион аҳәаа иахьаԥну Аԥсны Ашәарҭадаратә маҵзуреи, Аҩныҵҟатәи аусқәа рминистрреи Аԥсны иҟоу Урыстәыла Афедералтә шәарҭадаратә маҵзура Аҳәаахьчаратә усбарҭеи рмаҵзуҩцәа еицымҩаԥыргалоит ареидқәа.

Ажәабжьқәа зегьы
0