АҞӘА, нанҳәа 19 – Sputnik, Владимир Бегунов. Sputnik злахьынҵа иахылаԥшуа Аӡҩыбжьа ақыҭан ауааԥсыра нап здыркылаз ауарба-ҵыхәашкәакәа ауаа рахь еиҭахынҳәит.
"Ауарба ауаа рахь еиҭахынҳәит. Иҟалап уи афатә азымхара иахҟьазар. Ҩымшҟа иҟан, нас еиҭацахт", — иҳәеит Аԥсны аекологиа аинститут адиректор Роман Дбар.
Ауарба ауаа рахь иахьыхынҳәуа, иахьырцәымшәо бзиам, иҳәоит иара.
Мызқәак раԥхьа Аӡҩыбжьа ақыҭан зыҭра ихшәаз, ақыҭауаа мчыбжьык аасҭа хылаԥшра зырҭоз ашьхауарба ҵыхәашкәакәа ахақәиҭра аиуит. Иара аҭрахьы ихынҳәит. Аха рацәак ауаа изырԥырымҵит. Арҭ амшқәа рзы шьҭахьҟа ихынҳәны иҟан.
Ауарба ҵыхәашкәакәа 20-25 шықәса ннаҵуеит. Европеи Азиеи иахьрыҵаркуа иҟоуп. Аӡынраз атәыла ԥхаррақәа рахь иахыҵуеит. 2013 шықәса рзы Урыстәыла аԥсаатә рыхьчараз Аидгыла ауарба ҵыхәашкәакәа ашықәс аԥсаатә ҳәа ахьӡ рҳәеит.
