Ингуштәыла аспорт аминистр Ахмед Котиев аҟазатә-класс мҩаԥигеит Пицунда

Ингуштәыла аспорт аминистр Ахмед Котиев аҟазатә-класс мҩаԥигеит Пицунда
Ингуштәыла аспорт аминистр Ахмед Котиев аҟазатә-класс мҩаԥигеит Пицунда - Sputnik Аҧсны
Анапаҵаҩра
НовостиTelegram
Ингуштәыла аспорт аминистр Ахмед Котиев аԥсуа боксиорцәа рзы аҟазатә-класс мҩаԥигеит Пицунда.

ГАГРА, нанҳәамза 19 — Sputnik, Саида Жьиԥҳа. Гьаргь Блаб ихьӡ зху, Пицундатәи абокс аклуб аҟны, Ингуштәыла аспорт аминистр Ахмед Котиев иԥсшьарамшқәа ирылагӡаны, аҭыԥантәи абоксиорцәа қәыԥшцәа рзы имҩаԥигеит аҟазатә-класс.

"Пицундатәи абокс аклуб аиҳабы Валери Арлан дысҩызоуижьҭеи акрааҵуеит. Убри аҟынтә, гәахәарыла исыдыскылеит, аԥсуа боксиорцәа қәыԥшцәа рзы аҟазатә-класс амҩаԥгара. Ахәыҷқәеи сареи ҟазшьала ҳаинааланы азыҟаҵарақәа мҩаԥаагеит. Сара иазгәасҭарц сҭахуп, Аԥсны ԥсабарала ишбеиоу еиԥш, аҟыбаҩ злоу аҿар рылагьы ишбеиоу", — ҳәа инаҵишьит аспорт аминистр.

Ахмед Котиев иажәақәа рыла, уажәшьҭарнахыс Аԥсныҟа даауанаҵы, ааԥхьара дазымԥшкәа ихала абокс аклуб ахь дышнеило.

Гьаргь Блаб ихьӡ зхыу абокс азы аклуб, акультуратә-гәабзиарачаԥарҭатә комплекс "Пицунда" ахыбраҟны иаартуижьҭеи ԥшьышықәса ҵуеит. Азыҟаҵаҩс дыҟоуп Гьаргь Блаб иԥа Виачеслав. Иахьа асекциахь иныҟәоит аиҵбыратәии аиҳабыратәии агәыԥқәа рахь 20-ҩык аспортсменцәа.

Пицундатәи абокс аклуб ааӡамҭацәа рзы иҳамҭа духеит, ВБО аверсиала абокс азы адунеи ачемпион иҟынтә аҟазатә-класс аиура.

Ингуштәыла аспорт аминистр аԥсуа боксиорцәа рҟынтә идикылеит агәаларшәагатә ҳамҭақәа.

Ажәабжьқәа зегьы
0