АҞӘА, нанҳәа 23 – Sputnik, Бадри Есиава. Москватәи атуристцәа шьапыла Аҷандара ақыҭантәи Ԥсҳәыҟа амҩа иқәыз рхабар ыҟам. Абри азы адырра ҟаҵан АҶА Гәдоуҭа араионтә диспетчертә маҵзурахьы.
"Хаха-хымш ҵуеит аԥшаарақәа ҳарҿуижьҭеи аха макьаназ аӡәгьы ишьҭа ҳазхымлацт", — иҳәеит АҶА Гәдоуҭа араион адиспетчер.
Аминистрра аофициалтә саит аҟны иарбоуп ауаа ыӡит ҳәа хымш раԥхьа адырра шыҟаҵаз. Аԥшааразы авиациа ахархәара аҭан.
Иҟоу адыррақәа рыла атуристцәа амҩа иқәлеит нанҳәа 8 рзы. Уинахыс рхабар аӡәгьы издырам.
