Микрофон  - Sputnik Аҧсны
Арадио

Џьыкырԥҳа: ҳџьынџьуаа рырхынҳәра аҳәынҭқарра ахықәкы хадақәа ируакзар ауп

© Sputnik / Томас ТхайцукАрепатриациазы аҳәынҭқарратә еилакы ахада ихаҭыԥуаҩ Гугуца Џьыкырԥҳа
Арепатриациазы аҳәынҭқарратә еилакы ахада ихаҭыԥуаҩ Гугуца Џьыкырԥҳа - Sputnik Аҧсны
Анапаҵаҩра
Ҳџьынџьуаа рҭоурыхтә ԥсадгьыл ахь рырхынҳәраз аилак ҩажәа шықәса рыҩнуҵҟа имҩаԥнагахьоу аусқәа рацәоуп. Арепатриациазы аҳәынҭқарратә еилакы ахада ихаҭыԥуаҩ Гугуца Џьыкырԥҳа дазааҭгылеит арепатриацаҟны имҩаԥысуа аусхққәа ртәы.

Аԥсадгьыл ахь архынҳәразы аҳәынҭқарратә еилакы аԥҵоуижьҭеи 2017 шықәсазы иҵуеит ҩажәи хәба шықәса.

"Арепатриациа аиубилеи азгәаҭараз еиуеиԥшым аусмҩаԥгатәқәа азԥхьагәаҭоуп. Зегь реиҳа ихаданы иқәгылоу усуроуп ҳџьынџьуаа ашкол ашьҭыхьтәи аамҭазы иҿыцу аметодқәа рыла аԥсуа бызшәа дырҵаразы аусура амҩаԥгара. Иорданиа инхо ҳџьынџьуааи ҳареи еиҳа ҳаимадара рырҭбааразы анаиааирақәа", — ҳәа лҳәеит Џьыкырԥҳа.

Џьыкырԥҳа: ҳџьынџьуаа рырхынҳәра аҳәынҭқарра ахықәкы хадақәа ируакзар ауп

Гугуца Џьыкырԥҳа лажәақәа рыла, ҳџьынџьуаа Аԥсны ахы-аҵыхәа инхо зегьы ашәҟәы рҭаҩҩра хацыркхоит аамҭа кьаҿ иалагӡаны.

"Асиақәа рышьақәгылара напы аҳаркраны ҳаҟоуп ааигәа, ҳџьынџьуаа ираҳҭоит анкета ҳасабала азҵаарақәа, рҭакқәа анеидаҳкылалак ашьҭахь еидкылоу абаза аԥаҳҵоит. Ус иааидкыланы, Аԥсны иахьа инхоит зықь-ҩык инареиҳаны ҳџьынџьуаа, урҭ Шьамтәылантәи, Ҭырқәтәылантәи, Иорданиантәи иааз роуп. Иҟоуп Аԥсныҟа нхара ҳәа иааз, аха еиуеиԥшым амзызқәа ирыхҟьаны шьҭахьҟа игьежьны ицазгьы", — хәа азгәалҭеит лара.

Ҩажәи хәба шықәса ирылагӡаны Арепатриацазы аҳәынҭқарратә еилакы имҩаԥнагаз аусурақәа ирылҵшәоуп, иахьа Аԥсны инхо зықь-ҩык ҳџьынџьуаа. 


Ажәабжьқәа зегьы
0