АҞӘА, цәыббра 5 — Sputnik. "Агәра згоит атәылаҟны аҭагылазаашьа нагӡаны аҭышәныртәалара шәылшап, ԥхьаҟагьы ҳаинырлап", ҳәа иҳәеит Владимир Путин Реджеп Ердоган даниҿцәажәоз. Иара иазгәеиҭеит Анкара ишрылшо атеррористтә цәгьоурақәа риааира.
"Ҭырқәтәыла уажәы имариам аамҭақәа ишырҭагылоу аабоит", — иҳәеит Владимир Путин.
Атәылақәа рыҩба рнапхгаҩцәа Ханчжоутәи реицәажәаараан ишьҭырхраны иҟоуп аенергетика аусхк аҟны аинырра арҿиара азҵаара.
Ԥхынгәы 16 рзы ҭырқәтәылатәи ар рнапхгара ахәҭак аҳәынҭқарратә система аиҭакра рҽазыршәеит. Аиҿагылараан иҭахеит 250-ҩык атәылауаа.
Атәыла анапхгара ирылшеит ақәгылара ахәаҽра. Анкара ирыԥхьаӡоит ақәгылара Фетхуллах Гиулен иоуп еиҿызкааз ҳәа. Гиулен Еиду Америкатәи аштатқәа рҟны дынхоит. Иара иҟалаз ахҭысқәа срылахәым ҳәа аҳәамҭа ҟаиҵеит.
