АҞӘА, цәыббра 5 – Sputnik, Бадраҟ Аҩӡба. Ачадара ақыҭантәи ақәаршҩытә коллекторқәа ррыцқьаразы аусурақәа ирылагеит цәыббра 2 рзы. Аусурақәа хыркәшахоит амчыбжь нҵәаанӡа, иҳәеит ҳкорреспондент дзыҿцәажәоз "Аԥсныргылара" адиректор хада Игор Казанба.
"Атехника ҳамоуп. Аусурақәа рхышәа-ҵышәагьы рацәа кидуум. Иуадаҩроу дара аколлекторқәа рахь анеироуп. Уахь унеирц азы агәамсам рацәа ықәгатәуп", — иҳәеит иара.
Аҳәынҭеилахәыра "Аԥсныргылареи" афирма "Аԥсныҟәарахьчареи" Аԥсны Аԥыза-министр Беслан Барцыц инапынҵала Ачадара ақыҭантәи ақәаршҩытә коллекторқәа ррыцқьара иаҿуп.
Иахьазы ирыцқьоуп 2 километрак инарзынаԥшуа.
