АҞӘА, цәыббра 7 — Sputnik. Израильтәи археологцәа аҳәамҭа ҟарҵеит Абиблиа аҟынтәи аҭоурых, Давиди Голиафи ахьеибашьуаз аҭыԥ аабеит ҳәа. Абас аанацҳауеит РИА Новости, апортал New Historian шьаҭас иҟаҵаны.
Абиблиаҟны ишаҳәо ала аҳәынҭқар Давид Голиаф диабашьит. Давид Голиаф игәыдиҵаз ахәымпал иаахоит. Абри ашьҭахь израильтәии аиудеиатәии ар афилистимианаа ирыжәланы рыдгьыл иқәырцеит. Аибашьра мҩаԥысит Сокхофи Азекеи рыбжьара, Шаарим ақалақь ахь узго амҩаду аҟны.
"Ҳара Давид ихаҭа идҳәалаз аԥсыбаҩ ҳамбеит, аха иаабаз агәра ҳнаргеит Иудеиа аурбанизациа аҟазаара", — иҳәеит аԥшаарақәа ирылахәыз ҵарауаҩк.
Аҵарауаа ирыԥшааит иврит ала аҩырақәа зну акыцԥҽыхақәа. Дара ирылшеит аҩыра аныхрагьы: "аҳ", "аӡбаҩ", "иҟоумҵан". Иара убасгьы ҳера ҟалаанӡа X ашәышықәсазы араҟа ақалақь шыҟаз атәы ухазырҵо аршаҳаҭгақәа аарԥшын. Абиблиа иаҳнаҭо аинформациагьы усеиԥш аҳәоит.
