Жәларбжьаратәи аконференциа аусура иалагеит

© flickr.comАботаникатә баҳча.
Аботаникатә баҳча. - Sputnik Аҧсны
Анапаҵаҩра
НовостиTelegram
Жәларбжьаратәи анаукатә иубилеитә конференциа "Роль ботанических садов в сохранении и мониторинге биоразнообразия Кавказа" мҩаԥысуеит Аҟәа цәыббра жәаба рҟынӡа.

АҞӘА, цәыббра 8 – Sputnik, Бадраҟ Аҩӡба. Жәларбжьаратәи анаукатә иубилеитә конференциа "Роль ботанических садов в сохранении и мониторинге биоразнообразия Кавказа" мҩаԥысуеит Аҟәа цәыббра жәаба рҟынӡа. Абри атәы иҳәеит ҳкорреспондент даниҿцәажәоз Аботаника аинститут адиректор Едуард Гәбаз.

"Аконференциа Аҟәатәи аботаникатә баҳча 175-шықәса ахыҵра иазкуп. Иара убасгьы асубтропикатә дендропаркгьы иахыҵуеит 85 шықәса. Убарҭ аҩба рыдагьы ҳҵарауаа хазынақәа, ҳакадемикцәа Гиви Аибеи Алексеи Колоковскии риубилеитә шықәсуп", — иҳәеит иара.

Аконференциа иалахәуп аҳәаанырцәтәи аҵарауаа: Австралиа, Великобританиа, Венгриа, Украина, Ҟазахстан, Белоруссиа, Урыстәыла рҟынтәи.

Асекциатә еилатәарақәа мҩаԥгахоит Аботаника аинститути Аԥснытәи аҳәынҭқарратә музеии рҟны.

Цәыббра 9 рзы аконференциа алахәылацәа Риҵатәи амилаҭтә парк иаҭаауеит. Иара убасгьы асасцәа ирбараны иҟоуп Мрагыларатәи Аԥсны, Кәыдрытәи аиҩхаа.

Атәыла Ахада Рауль Ҳаџьымба аконференциа алахәылацәа ирзынаишьҭит адныҳәаларатә шәҟәы, иагьазгәеиҭеит аҵарауаа реинырра еиҳа-еиҳа аҽшарӷәӷәо.

"Ҳара ԥхьаҟагьы иҳалшо ала аҭҵаарадырра адгылара аҳҭалоит", ҳәа азгәаҭоуп анашьҭымҭаҟны.

Жәларбжьаратәи анаукатә иубилеитә конференциа "Роль ботанических садов в сохранении и мониторинге биоразнообразия Кавказа" мҩаԥысуеит Аҟәа цәыббра жәаба рҟынӡа.

Ажәабжьқәа зегьы
0