АҞӘА, цәыббра 8 — Sputnik, Анжелика Бениаԥҳа. Ажурналистцәа рзы имҩаԥгаз абрифинг аҟны Индар Джендубаев иазгәеиҭеит иҭоурых ԥсадгьыл абара дшааз.
Аԥсныҟа иара дааит ҩымш ҳәа Аԥснытәи иуацәа иҟарҵаз ааԥхьарала. Иҭахын Аԥсны ибарц.
"Сара сзы аинтерес аиуит Аԥсны абара. Аԥсны мифлеи, ҭоурыхлеи, лакәлеи иҭәу тәылоуп. Оумашәа иԥшӡоуп. Сара исуалны исыԥхьаӡоит арахь урыстәылатәи акиномотографистцәа радыԥхьалара. Уи иалнаршоит апродиусортә ҟазшьала еиуеиԥшым апроектқәа рганахьала аинтерес ашьҭыхра", — иҳәеит арежиссиор.
Джендубаев Аԥсны анапхгарагьы дырԥылеит. Уа ирылацәажәеит апроектқәа маҷымкәа.
Абрифинг аԥхьа Джендубаев аԥснытәи арежиссиорцәа ҿарацәа дырԥылеит. Иазгәеиҭеит ари аиԥылара иара изы аҵакы аманы ишыҟоу.
"Акызаҵәык угәы еихьызшьуа аамҭа маҷны иахьсымоу ауп. Сара даара исҭахуп арахь изныкымкәа ахынҳәра, амастер-классқәа рымҩаԥгара. Даара исҭахуп аратәи акиномотографистцәа Аԥсны аҳәаа иҭыҵны адунеитә еилазаара рҽалархаларц", — иҳәеит иара.
Абрифинг аҟны арежиссер иҭаз адкылара ҳәашьак узамҭо игәы шыхнахыз. Иҭабуп ҳәа реиҳәеит Аԥсны Ахада Иусбарҭа аусзуҩ Алхас Гагәылиа,
Арепатриациаз аҳәынҭеилакы ахантәаҩы Вадим Ҳаразиа, атәыла Ахада ихаҭыԥуаҩ Витали Габниа.
Арежиссер Индар Джендубаев аус иуеит Тимура Бекмамбетова напхгара зиҭо урыстәылатәи акиноеилахәыра BAZELEVS аҟны.
