Николаи Ҭраԥшь ахҳәаа азиуит Қырҭтәылаҟа НАТО амаӡаныҟәгаҩ хада иаара

© Фото : из личного архива Николая ТрапшАладатәи Афедералтә университет иреиҳаӡоу ашкол Нхыҵ-Кавказтәи анаукатә центр Кавказ ажәларқәа рҭоурыхи ркультуреи рнаукаҭҵааратә лабораториа аиҳабы Николаи Ҭраԥшь
Аладатәи Афедералтә университет иреиҳаӡоу ашкол Нхыҵ-Кавказтәи анаукатә центр Кавказ ажәларқәа рҭоурыхи ркультуреи рнаукаҭҵааратә лабораториа аиҳабы Николаи Ҭраԥшь - Sputnik Аҧсны
Анапаҵаҩра
НовостиTelegram
Аладатәи Афедералтә университет иреиҳаӡоу ашкол Нхыҵ-Кавказтәи анаукатә центр Кавказ ажәларқәа рҭоурыхи ркультуреи рнаукаҭҵааратә лабораториа аиҳабы Николаи Ҭраԥшь ахҳәаа азиуит Қырҭтәылаҟа НАТО амаӡаныҟәгаҩ хада иаара.

АҞӘА, цәыббра 8 – Sputnik, Бадраҟ Аҩӡба. НАТО амаӡаныҟәгаҩ хада Иенс Столтенберг Қырҭтәылаҟа иаара адҳәалоуп Аҩада Атлантикатә алианс агеополитикатә ҽазышәара адагьы Қырҭтәыла аҩныҵҟа.

"Уаҟа уажәы иаарласны имҩаԥысраны иҟоуп апарламенттә алхрақәа", иҳәеит Аладатәи Афедералтә университет иреиҳаӡоу ашкол Нхыҵ-Кавказтәи анаукатә центр Кавказ ажәларқәа рҭоурыхи ркультуреи рнаукаҭҵааратә лабораториа аиҳабы Николаи Ҭраԥшь Қырҭтәылаҟа НАТО амаӡаныҟәгаҩ хада иаара ахҳәаа аҭо.

Аҭоурыхдырыҩ игәаанагарала зеилазаара ҳараку аделегациеи хкы рацәала еиҿкаау апрограммеи шаҳаҭра руеит европатәии америкатәии аполитикцәа Қырҭтәыла иахьатәи анапхгара рыгәра шырго. Уи иаанарԥшуеит "ареволиуциа ҿыц" иазку ацәажәарақәеи Михаил Саакашьвили идгылаҩцәа аполитикахь рыхынҳәраз ацәажәарақәеи шыԥку.

"НАТО иаҳнарбеит аофициалтә Қарҭ Мраҭашәара аҭахрақәа зегьы ирықәшәоит ҳәа", азиԥхьаӡоит аексперт.

Ақырҭуа официалтә хаҿқәа "аҵакырадгьылтә акзаара" ҳәа ирҳәо дара рзы ихымԥадатәу шьаҿаны иҟоуп абжьқәа рзы аиҿагылараҿы.

"Ҳәарада НАТО Қырҭтәыла аурыс нырра Кавказ иаанызкыло акәны иахәаԥшуеит. Иара убри аан Аҩадатәи алианс алахәыларагьы ҵәгәырк еиԥшны иҟоуп аофициалтә Қарҭ азы. Уи иугәаланаршәоит украинатәи ареволиуционерцәа зықәдыргәыӷыз Евроеидгыла алахәылара", — иҳәоит Ҭраԥшь.

Николаи Ҭрапшь игәаанагарала НАТО Урыстәыла бџьархархәарала иаҿагыларц иагьаҭахым алшарагьы амам қырҭтәылатәи амилаҭ радикалқәа усеиԥш иҟоу акы еиҿыркаар. Иара убри аан Аҩада Атлантикатә алианс аԥҟарақәа ируаку, аҵакырадгьылтә еимак змам атәылоуп изылшо алианс алахәылара ҳәа ишьо мап ацәкра.

"Бриуссели Қарҭи аҵыхәтәантәи реиҿцаарақәа иудырбоит Қырҭтәыла НАТО азы хәарҭара аланы ишахәаԥшуа Мрагылара ааигәеи Абжьара мрагылареи рҟны ахатә усқәа рымҩаԥгаразгьы", — иҳәоит аҵарауаҩ..

НАТО амаӡаныҟәгаҩ хада Иенс Столтенберг Қарҭҟа дааит цәыббра 7 рзы. Авизит аҳәаақәа ирҭагӡаны аиԥылара мҩаԥысраны иҟоуп Аԥыза-министр Георги Квирикашьвилии, Қырҭтәыла апрезидент Георги Маргвелашьвилии, атәылахьчара аминистр Леван Изориеи, апарламент ахада Давид Усупашьвилии рԥылара.

Иара убасгьы Столтенберг дырԥылараны дыҟоуп астудентцәа.

Қырҭтәыла Аԥыза-министр иазгәеиҭоит НАТО амаӡаныҟәгаҩ хада Қырҭтәылаҟа иаара иаанаго ара имҩаԥысуа адемократиатә реформақәа рыдгылароуп.

Ажәабжьқәа зегьы
0