Адәныҟатәи аусқәа рминистрраҟны адкылара мҩаԥысит

© Sputnik / Томас ТхайцукАԥсны Адәныҟатәи аусқәа рминистрраҿы имҩаԥысыз аиԥылара.
Аԥсны Адәныҟатәи аусқәа рминистрраҿы имҩаԥысыз аиԥылара. - Sputnik Аҧсны
Анапаҵаҩра
Аԥсны Адәныҟатәи аусқәа рминистр ихаҭыԥуаҩ Олег Аршба идикылеит Урыстәыла иҟоу Боливариантәи ареспублика Венесуела Ацҳаражәҳәарҭа аамҭалатәи агәрагаҩы Альвиро Енрике Кордеро зхадараҟны дыҟоу аделегациа.

АҞӘА, цәыббра 8 – Sputnik, Бадри Есиава. Венесуелатәи адгьылбжьаха Маргарита аҟны цәыббра 17-18 рзы имҩаԥысраны иҟоу адымгыларатә ҵысра асаммит ахь инаԥхьоуп Аԥснытәи адипломатцәа, ҳәа ааицҳауеит аҭыԥ аҟынтәи Sputnik акорреспондент.

"Сынтәа Венесуела имҩаԥысраны иҟоуп жәларбжьаратәи асаммит. Ҳара агәахәара ҳнаҭон Аԥсны ахаҭарнакцәа уа рыҟазаара", — иҳәеит Урыстәыла иҟоу Боливариантәи ареспублика Венесуела Ацҳаражәҳәарҭа аамҭалатәи агәрагаҩы Альвиро Енрике Кордеро.

Адәныҟатәи аусқәа рминистр ихаҭыԥуаҩ Олег Аршба ааԥхьаразы ҭабуп ҳәа реиҳәеит аделегациа алахәылацәа. Иара убасгьы иазгәеиҭеит аҩ-тәылак рыбжьара аҭыԥ змоу, Сергеи Багаԥшьи Уго Чавеси ихацдыркыз аизыҟазаашьа бзиақәа.

Аганқәа рыҩбагь иазгәарҭеит адипломатиатәи, аекономикатәи, аполитикатәи еимадарақәа рҵак ду, аиҳаракгьы иахьатәи аамҭазы, адәахьтәи қәыӷәӷәара аҭыԥ аманы ианыҟоу.

Адымгылара аҵысра – ари 120 ҳәынҭқарра злахәу жәларбжьаратә еиҿкаароуп. Иара принцип хаданы иамоуп иарбанызаалак аибашьратә блокадақәа рҿагылара.

Ажәабжьқәа зегьы
0