АҞӘА, цәыббра 9 – Sputnik, Роберт Џьапуа. Венесуела аделегациа рԥылара азкуп аекономикеи, аенергетикеи егьырҭ аусхкқәеи азыԥхьагәазҭо атәылақәа рыбжьара аиқәшаҳаҭра хада аԥҟарақәа рынагӡашьа, ҳәа азгәеиҭеит Аекономика аминистр Адгәыр Арӡынба. Аԥсни Венесуелеи реизыҟазаашьақәа аимпульс ҿыц рыҭатәуп, иҳәеит иара.
"Рауь Ҳаџьымбеи Беслан Барцыци рнапынҵала абри аус напарктәуп. Уаанӡатәи аиқәшаҳаҭрақәагьы аус руа иҟаҵатәуп. Сгәы иаанагоит аекономика аганахьала аиқәшаҳаҭра ҿыцқәа шаԥҵахо", ҳәа азгәеиҭеит Арӡынба.
Адгәыр Арӡынба иара убасгьы иаҵишьит аиԥылара аекономикеи, аенергетикеи егьырҭ аусхкқәеи азыԥхьагәазҭо атәылақәа рыбжьара аиқәшаҳаҭра хада аԥҟарақәа рынагӡашьа ишазку.
Иара иажәақәа рыла Аԥсни Венесуелеи рыбжьара аизыҟазаашьақәа иахьа иактуалны ишыҟоу.
Боливариантәи ареспублика Венесуела Аԥсни Аахыҵ Уаԥстәылеи азханаҵеит цәыббра 10 2009 шықәса рзы. Венесуела Аԥсны азхазҵаз ахԥатәи тәылоуп, Урыстәылеи Никарагуеи рышьҭахь.
