Габниа: уиааира агәадура ҳнаҭеит

© Sputnik / Томас ТхайцукВитали Габниа дидикылеит кикбоксинг азы адунеи ачемпион Енрике Аргун.
Витали Габниа дидикылеит кикбоксинг азы адунеи ачемпион Енрике Аргун. - Sputnik Аҧсны
Анапаҵаҩра
НовостиTelegram
Аԥсны Ахада ихаҭыԥуаҩ Витали Габниа ахәаша, цәыббра 9 рзы дидикылеит кикбоксинг азы адунеи ачемпион Енрике Аргун.

АҞӘА, цәыббра 9— Sputnik, Бадраҟ Аҩӡба. Аԥсны Ахада ихаҭыԥуаҩ Витали Габниа ахәаша, цәыббра 9 рзы дидикылеит кикбоксинг азы адунеи ачемпион Енрике Аргун.

"Уиааира даара агәахәара ҳнаҭеит. Иаадыруеит Урыстәыла ачемпионат аҟны иуиааиз шиакәу адунеи ачемпионат аҟны уара узиааиз. Уи иаҳәо рацәоуп", — иҳәеит иара.

Витали Габниа иазгәеиҭеит аҳәынҭқарра еиуеиԥшым атурнирқәа реиҿкаараҿы ацхыраара шинаҭо.

Ачемпион иазыҟаҵаҩ Џьон Аҭәмаа иакәзар Габниа ҭабуп ҳәа иеиҳәеит иҟаиҵаз агәцаракразы, агәрагьы ииргеит ԥхьаҟагьы Енрике Аргәын иахәҭаны иҟоу адгылареи ацхыраареи шииҭо ала.

Енрике Аргәын цәыббра 3 рзы Ирландиа аҳҭнықалақь Дублин имҩаԥысуаз ачемпионат аҟны акикбоксинг азы адунеи ачемпион ҳәа аԥыжәара игеит.

Ажәабжьқәа зегьы
0