АҞӘА, цәыббра 14 — Sputnik. Жәларбжьаратәи Аолимпиатә еилакы (МОК) Урыстәыла еизгоу акоманда аҽа ҩ-медалк амнахит. Пекинтәи Аолимпиада иалахәыз аҵәршәҩы Мариа Абакумовеи аҩҩы Денис Алексееви рдопинг-гәаҭарақәа реиҭахәаԥшраан аспортсменцәа уаанӡа ироухьаз ахьӡқәа рхырхит ҳәа аанацҳауеит Р-Спорт.
2008-тәии 2012-тәии ахәмаррақәа раан амедалқәа зоуз аҩҩы Инга Абитовеи (6-тәи аҭыԥ 10 нызқь метра аҩраҿы) амаланыҟәарныҟәаҩ Екатерина Гниденкои (8-тәи аҭыԥ) рмедалқәа иашамкәа иранашьан ҳәа ирымырхит.
Абакумовеи, Абитовеи, Гниденкои, Алексеевеи рцәа-ржьаҿы ирбеит ззин ыҟам ахәшә туринабол.
Иааидкыланы еиҭарыхәаԥшын 1243 проба, 98-ҩык рҟны ззин ыҟамыз ахәшәқәа рышьҭа-мҭа аарԥшын.
Иара убасгьы Анастасиа Капачинскаиа, Надежда Евсутихина, Марина Шаинова, Евгениа Колодко рмедалқәа рымхтәуп ҳәа ишьақәдыргылеит.
