Таиф Аџьба ихьӡ зху алитературатә премиа аиуразы иқәыргылоу аусумҭақәа рыхцәажәара апроцесс хацыркуп.
"Иахьазы иқәыргылоу аусумҭакәа рыхцәажәара апроцесс хацыркуп. Ԥхынҷкәын 31-нӡа арадиоҿы, ателехәаԥшраҿы, акьыԥхь аҿы иалаҟоу аспециолистцәа, алитература акритикцәа рыбжьы ақәдыргарц ҳтахуп. Урҭ ргәаанагарақәа ахшыҩзышьҭра азуны, анаҩс акомиссиа алкаа ҟанаҵоит аҳәынҭқарратә премиа занашьатәу ҳәа. Таиф Аџьба ихьӡ зху алитературатә премиа заԥҵоу ахықәкқәа ируакуп ахьӡ ҿыцқәа рцәыргара, аҩымҭа ҿыцқәа раарԥшра", — ҳәа иҳәеит аҵарауаҩ.
Валентин Коӷониа иажәақәа рыла, Таиф Аџьба ихьӡ зху аҳәынҭқарратә премиа шьақәгылоуп х-номинациак рыла.
Ҳаԥсуа сахьаркыратә литература аҟны иналукааша апоет, Аԥсны аџьынџьтәылатә еибашьра аан хабарда ибжьаӡыз Таиф Аџьба ихьӡ зху апремиа еиҿкаан уи имш иира аҽны хәажәкыра 11, 2016 шықәса рзы.
