АҞӘА, цәыббра 19 – Sputnik, Бадри Есиава. Аԥсны Атәылахьчара аминистрра архәҭақәа арепитициа мҩаԥыргеит Аҟәа ақалақь аҟны Аиааира амш апарад рҽазыҟаҵо.
"Азыҟаҵарақәа ирылагеит цәыббра 2 рзы. Иахьатәи арепетициа хԥатәиуп. Арепетициа хада мҩаԥысраны иҟоуп цәыббра 28 рзы", ҳәа еиҭеиҳәеит Аԥсны Атәылахьчара аминистр ихаҭыԥуаҩ Беслан Ҵәыџьба.
Ҵәыџьба иажәақәа рыла аныҳәатә уснагӡатәқәа мҩаԥысраны иҟоуп цәыббра 30 рзы Ахьӡ-аԥша амемориал аҿаԥхьа. Апарад иалахәхоит 550-ҩык аруааи урыстәылатәи арратә база аруаа 92-ҩыки.
Беслан Ҵәыџьба иажәақәа рыла арратә техника апарад иалахәхом. Арратә техника апарад ахь ицәырыргарц ӡбоуп аиубилеитә рыцхәқәа раан.
Цәыббра 30 1993 шықәса рзы Аԥсуа ар атәыла ахы иақәиҭтәны Аԥсни Қырҭтәылеи рҳәаахь инеиит.
Аибашьраан иҭахеит х-нызқьҩык инарзынаԥшуа Аԥсны аԥацәеи аԥҳацәеи.
