Асезон ҿыц азы абилеҭқәа рыҭира иалагеит

© Sputnik Томас ТхайцукАурыс драматә театр
Аурыс драматә театр - Sputnik Аҧсны
Анапаҵаҩра
НовостиTelegram
Аурыс драматә театр адиректор хада Sputnik Аԥсны иазеиҭеиҳәеит асезон ҿыц азы абилеҭқәа рыҭира ишалагаз.

АҞӘА, цәыббра 20 – Sputnik, Бадраҟ Аҩӡба. Атеатр асезон ҿыц аазыртуа аспектакльқәа хԥа рахь абилеҭқәа рыҭира ҳалагеит, иҳәеит Аурыс драматә театр адиректор хада Иракли Хынҭәба.

"Иахьатәи амш инаркны ҳалагеит абилеҭқәа рыҭира арежиссиор Андреи Тимошенко иқәыргыламҭа "Рождество в доме Купьелло" (Едуардо де Филиппо ипиеса), аспектакьқәа "Тартюф" "Черная курица, или Подземные жители" (Антони Погорельски илакә) рахь", — иҳәеит Хынҭәба.

Иракли Хынҭәба иажәақәа рыла Аурыс драматә театр аҟны ирацәахоит ахәыҷқәа ирызку аспектакльқәа.

Атеатр акассақәа аус рулоит асааҭ 11 инаркны 19 рҟынӡа.

"Ҳара агәра аагоит абилеҭқәа аазхәо зегьы агәахәара бзиа роуп ҳәа", — иҳәеит Хынҭәба.

Аҳәынҭқарратә аурыс драматә театр асезон ҿыц аатуеит жьҭаара 19 рзы.

Ажәабжьқәа зегьы
0