Евроеидгыла Ҟрымтәи алхрақәа азханаҵом

© Sputnik / Томас ТхайцукУрыстәылатәи Афедерациа Аҳәынҭқарратә Думахь алхрақәа
Урыстәылатәи Афедерациа Аҳәынҭқарратә Думахь алхрақәа - Sputnik Аҧсны
Анапаҵаҩра
НовостиTelegram
Урыстәылатәи Афедерациа Аҳәынҭқарратә Думахь алхрақәа мҩаԥысит цәыббра 18 рзы.

АҞӘА, цәыббра 20 – Sputnik. Евроеидгыла Ҟрымтәи алхрақәа азханаҵом, избанзар алхрақәа абри адгьылбжьахаҟны рымҩаԥгара азакәантә ҵаҵӷәы амам, ҳәа иазырыԥхьаӡоит. Уаанӡа Евроеидгыла ахаҭарнак Федерика Могерини аҳәамҭа ҟалҵеит Ҟрым имҩаԥгахоу алхрақәа азханаҵом избанзар Ҟрыми Севастополи Урыстәылатәи Афедерациа изакәанымкәа иалагалоуп ҳәа ирыԥхьаӡоит азы ҳәа.

Абри аҳәамҭа ахҳәаа аҭо Евроеидгыла ахаҭарнак инаҵшьны иазгәалҭеит "Дарбанызаалак Аҳәынҭқарратә Дума ахаҭарнак, Ҟрыми Севастополи ринтересқәа ирыҵагылоны иҟоу азхаҵахом избанзар Ҟрыми Севастополи Украина иаҵакырадгьылқәоуп", ҳәа.

Ҟрым Урыстәыла иаҵаркхеит 2014 шықәса хәажәкырамзазы имҩаԥгаз ареферендум аҿы 96,77% Ҟрымтәи алхыҩцәеи 95,6% Севастополь ауааԥсыреи Урыстәылатәи Афедерациа алаларазы рыбжьы анырҭи ашьҭахь.

Ҟрымтәи анапхгара ареферендум мҩаԥыргеит 2014 шықәса жәабранымзазы Украина мчыла аҳәынҭқарратә напхгара анахырҳәа ашьҭахь.

Урыстәыла анапхгара изныкымкәа иазгәарҭахьеит Ҟрым Урыстәыла ишалалаз иқәынхо ауааԥсыра рҭахрала, ООН Аԥҟаԥҵәеи жәларбжьаратәи азини инарықәыршәаны.

Ажәабжьқәа зегьы
0