АҞӘА, цәыббра 20 – Sputnik, Роберт Џьопуа. Автомабилқәеи аҭелқәеи рномер ԥшӡақәа рымазаара аҭаххара аиҳарак ахыԥхьаӡарақәа рмагиа акәымкәа изыдҳәало ауаа егьырҭ ирылукаартә рыҟазаара аҭаххара ауп, ҳәа азгәалҭоит аԥсихолог Хатуна Логәуаԥҳа.
"Асеиԥш аномерқәа алызхырц зҭаху реиҳарак аномерқәа аналырхуа ахыԥхьаӡарақәа шамахамзар ирызхәыцӡом. Сгәы иаанагоит араҟа магианы иҟоу аӡә иаҵкьыс аӡә еиӷьра ауп ҳәа, аӡә имам аҽаӡәы имазаара ауп ҳәа", — лҳәоит Логәуаԥҳа.
Аԥсихолог лажәақәа рыла ари аҩыза аҭахыра аиҳарак изоур зылшо зыԥсихика мшәыц ауаҩ иоуп ҳәа. Усеиԥш зҭаххар зылшо ахацәа реиԥш аҳәсагьы ҟалоит. Иара убри аан иазгәалҭеит ахыԥхьаӡарақәа рмагиа акәзар излацәажәо, уи даара змаршәа укыша акоуп.
"Ауаҩы арҭ ахыԥхьаӡарақәа дрыхьчоны ибозар, уи бзиоуп", — лҳәоит лара. Асеиԥш иҟоу ауаа ихәыҷаахыс рхатәы "сара" арҭбаара иашьҭоуп, ҳәа азгәалҭоит аԥсихолог.
