Песков: агуманитартә кануеи аехсра Урыстәылатәи Афедерациа алахәым

© Sputnik / Сергей Гунеев / Амедиаҵәахырҭахь аиасраУрыстәыла Ахада ипресс-маҵзуҩы Дмитри Песков.
Урыстәыла Ахада ипресс-маҵзуҩы Дмитри Песков. - Sputnik Аҧсны
Анапаҵаҩра
ООН апресс-маҵзура ирыланаҳәеит Аллепои Хомси руааԥсыра рзы амҩа иқәнаҵаз агуманитартә кануеи амҩан иаехсит ҳәа.

АҞӘА, цәыббра 20 — Sputnik. Кремль иадырҵо ахара ҵаҵӷәыдоуп ҳәа иашьоит, агуманитартә кануеи аехсра иара алахәымызт иҳәоит Урыстәыла Ахада ипресс-маҵзуҩы Дмитри Песков.

"Сара иарбанызаалак иҵаҵӷәыдоу аҳәамҭа аҟаҵара иашам ҳәа иазысыԥхьаӡоит. Уажәазы акануеи аехсразы аинформациа ҳаруаа аҭҵаара иаҿуп. Сгәыӷуеит уи аганахьала иахәҭоу аҳәамҭа ҟаҵахап ҳәа", — иҳәеит

Песков ажурналистцәа рзы еиҿикааз абрифинг аҟны.

Иара иҳәеит Москва ишазгәанаҭо "Шьамтәыла аҭынчра аганахьала аҭагылазашьа уадаҩны ишыҟоу".

"Иацы "Нусра" аибашьцәа еиуеиԥшым араионқәа рҟны ажәыларақәа мҩаԥыргеит. Шьамтәылатәи аофициалтә аруаа абри амчыбжь зегьы аҭынчра иқәныҟәон, аха ажәылара аҭак ҟарҵар акәхеит. Асеиԥш иҟоу аумҭақәа аиныршәаратә процесс зегьы иаԥырхагоуп. Абра иазгәаҭатәуп америкатәи ҳколлегацәа ишрылымшаз абри аамҭала аоппозициааи атеррористцәеи реихшара. Аҭагылазаашьа агәҭынчымра узцәырнагартә иҟоуп", — иҳәеит Песков.

Уаанӡа ООН апресс-маҵзура ирыланаҳәеит Аллепои Хомси руааԥсыра рзы амҩа иқәнаҵаз агуманитартә кануеи амҩан иаехсит ҳәа. ООН адыррақәа рыла ирехсын 31 рҟынтәи 18 еидарамҩангага машьына. Ахҭыс аҭыԥ аман Урум аль-Кубра араион иахьаҵанакуа.

Ажәабжьқәа зегьы
0