АҞӘА, цәыббра 21 – Sputnik. Адәныҟатәи аусқәа рминистр Виачеслав Чыргба аҩаша, цәыббра 20 рзы аҳәамҭа ҟаиҵеит инапынҵақәа шаанижьуа ала. Абри атәы аҳәоит аминистрра аофициалтә саит аҟны.
"Аҭыԥ змоу аҭагылазаашьақәа рҟны аус зуртә еиԥш избом. Сгәыӷуеит атәыла адәныҟаполитикатә курс еиҭакхарым ҳәа", азгәаҭоуп аҳәамҭаҟны.
Чыргба аминистрра аколлектив ҭабуп ҳәа реиҳәеит еицымҩаԥгаз аусуразы. Виачеслав Чыргба иусура хациркит 2011 шықәса рзы. Уаанӡа Мраҭашәаратәи Европа атәылақәа рҟны Аԥсны Аҳәынҭқарра ахаҭарнакс дыҟан. Аԥснытәи аделегациақәа напхгара риҭон Женеватәи аиҿцәажәарақәа раан.
Диит 1959 шықәса хәажәкыра 17 рзы, Гагра ақалақь аҟны.
