АҞӘА, цәыббра 22 – Sputnik. Еицырдыруа ацирк артист Мстислав Запашный 78 шықәса дшырҭагылаз иԥсҭазаара далҵит. Абри атәы аанацҳаит Москватәи аҳәынҭқарратә цирк апресс-маҵзура.
Нанҳәамза анҵәамҭазы Мстислав Запашныи изун шәачатәи ахәышәтәырҭаҟны аоперациа. Аҳақьымцәа иҭагылазаашьа бжьаратәла ихьанҭоуп ҳәа иазырыԥхьаӡон.
Запашниаа рҭаацәара рҩыза, ашәаҳәаҩ Иосиф Кабзон ишиҳәаз ала Мстислав Запашныи аҵыхәтәантәи имҩахь днаскьаргоит ашәахьа, анышә дамардоит Домодедовтәи аԥсыжырҭаҿы.
Мстислав Запашныи диит Ленинград 1938 шықәса рзы ацирк артистцәа рҭаацәараҿы. СССР жәлар рартист Мстислав Запашныи напхгара аиҭон аилахәыра "Росгосцирк" (2003-2009шш.).
