Адгьылҵысрақәа Аԥсны шәарҭара рыҵам

Анапаҵаҩра
НовостиTelegram
Аԥсны аҭыԥ змоу адгьылҵысрақәа иааԥымҵәакәа иҭҵаалатәуп, ирхылаԥшлатәуп иҳәеит абиологиатә наукақәа ркандидат Роман Дбар.

АҞӘА, цәыббра 23 – Sputnik, Роберт Џьопуа. Ареспублика иҭышәынтәалоу, ишәарҭам аҵакыраҟны иҟоуп, иҳәоит абиологиатә наукақәа ркандидат Роман Дбар, адгьылҵысрақәа дрылацәажәо.

"Анцәа иџьшьаны адгьыл ҿысҭақәа рынеиҭаҵ-ааиҭаҵра ҳацәыхароуп. Убри азы араҟа лассы-лассы аԥсабаратә шәарҭарақәа ҟалоит ҳәа аҳәара иашам. Аԥсны аҵакырадгьыл иҭышәынтәалоу, ишәарҭам аҵакыраҟны иҟоуп", — иҳәоит абиологиатә наукақәа ркандидат Роман Дбар, адгьылҵысрақәа дрылацәажәо.

Иара убри аан Аԥсны аҭыԥ змоу адгьылҵысрақәа иааԥымҵәакәа иҭҵаалатәуп, ирхылаԥшлатәуп иҳәеит аҵарауаҩ.

"Ҳара ҳҟны иҟоуп ашәарҭара зҵоу аҭыԥқәагьы. Риҵатәи аиҩхаа, Афон ҿыцтәи аҳаԥы реиԥш атуристцәа хыԥхьаӡара рацәала иахьымҩасуа аҭыԥқәа еснагь ирхылаԥшлатәуп", — иҳәоит иара.

Ахаша, цәыббра 21 рзы ареспубликаҟны аҭыԥ аман адгьылҵысра. Уи 4 баллк иҟан Рихтер идыргала.

Ажәабжьқәа зегьы
0