АҞӘА, цәыббра 26 – Sputnik, Владимир Бегунов. Сынтәа "Форос" еизнагеит кавказтәи ареспубликақәеи Урыстәыла Нхыҵ-Кавказтәи афедералтә округи рҟынтәи шәҩык инареиҳаны алахәылацәа.
Абри атәы Sputnik иазеиҭалҳәеит Афорум адәныҟаеимадарақәа рзы аменеџьер Евгениа Кодинцева.
Афорум аадыртит Урыстәыла Ауаажәларратә палата алахәыла Сергеи Маркови Аԥсны аҿар рзы ахеилак ахаҭарнакцәеи.
Евгениа Кодинцева лажәақәа рыла афорум апрограмма иалан еиуеиԥшым атреннингқәа, алекциақәа.
Амҽыша, цәыббра 25 рзы афорум аусура ахыркәшаразы уахь днеит Аԥсны Ахада Рауль Ҳаџьымба. Афорум мҩаԥысуеит 1998 шықәса раахыс.
Раԥхьаӡа акәны иара мҩаԥган Ҟрым, Фарос. Уахьынтәоуп иара ахьыӡгьы ахьынтәаауа. Уиижьҭеи иара мҩаԥыргахьеит Урыстәыла, Ҭырқәтәыла, Аԥсны уҳәа.
