АҞӘА, цәыббра 27 — Sputnik. Таджикистан атәылауаҩ даанкылан Аахыҵ Уаԥстәыла, атеррористтә гәыԥ "Исламское государство" алаларазы ауаа ахьадиԥхьалоз азы, ҳәа аанацҳауеит Sputnik Аахыҵ Уаԥстәыла.
Аусбарҭаҟны иазгәарҭеит Таджикистан атәылауаҩ Умарджон Исмонов цәыббра 17 рзы дшаанкылаз атеррористтә гәыԥ "Исламское государство" алаларазы ауаа ахьадиԥхьалоз азы.
"Аоперативтә усурақәа рышьҭахь ишьақәыргылан Аахыҵ Уаԥстәылатәи аҳатә оператор "Мегафон" ахархәарала, аинтернет-сервис "ZELLO" ацхыраарала атеррористтә гәыԥ "Исламское государство" алаларазы ауаа шадиԥхьалоз",- рҳәеит Ашәарҭадаратә маҵзураҟны.
Ишьақәдыргылеит Исмонов Қырҭтәылеи Ҭырқәтәылеи дрылсны Шьамтәылаҟа ацара гәҭакны ишимаз.
ИГИЛ адыԥхьалаҩ Исмонов Аахыҵ Уаԥстәыла даанкылан, анаҩс Урыстәылатәи Аган дрыҭан.
