АҞӘА, цәыббра 28 – Sputnik. Аԥсни Қырҭтәылеи рҳәаа закәанымкәа ахысра зҽазызшәоз Никеи Бадрии Кәлаа ааныркылеит Аԥсны иҟоу Урыстәыла Афедералтә шәарҭадаратә маҵзура Аҳәаахьчаратә усбарҭа аусзуҩцәа, цәыббра 25 2016 шықәса рзы. Абри атәы аанацҳауеит Аԥсны иҟоу Урыстәыла Афедералтә шәарҭадаратә маҵзура Аҳәаахьчаратә усбарҭа апресс-маҵзура.
"Иаанкылоу руаӡәк ихатәы маҭәақәа ргәаҭараан иԥшаан амаҭәашьар цәиаҵәа-амарихуана. Ишьақәыргылан Бедиа ақыҭан инхо ауаҩԥсы аҳәаа иахыганы анаркотикатә маҭәашьар шиеигоз", ҳәа аҳәоит адырраҟны.
Иҟоу Аиқәшаҳаҭрақәа ирхьырԥшны иаанкылоу ахаҿқәеи анаркотикатә маҭәашьари Аԥсны Аҳәынҭқарра Галтәи араионтә ҩныҵҟатә ҟәшахьы ирыҭоуп наҟ-наҟтәи агәаҭаратә усмҩаԥгатәқәеи апроцессуалтә ӡбарақәа рыдкылареи рзы.
