АҞӘА, цәыббра 28 – Sputnik, Бадраҟ Аҩӡба. Аԥсны Жәлар Реизара адепутатцәа рыбжьы рҭиит Аԥсны Апрокурор хада иалхразы ахаша, цәыббра 28 рзы. Аԥсны Апрокурор хада ҳәа дшьақәырӷәӷәоуп Нури Ҭаниа. Абжьыҭира маӡала 26-ҩык адепутатцәа бжьеицҿакрыла Нури Ҭаниа икандидатура иадгылеит.
Апрокурор хада иазгәеиҭеит илшо зегьы шыҟаиҵало напхгаҩыс дзауз аусбарҭа хра аманы аус ауларц азы, азакәан аҳәынҭқарреи ауааԥсыреи ринтересқәа ирықәшәо аус ауларц азы.
Нури Ҭаниа Аԥснытәи Аҳәынҭқарратә университет доушьҭымҭоуп. 1989 шықәса рзы иҵара хыркәшаны аусура далагоит аҩныҵҟатәи аусқәа рсистемаҟны.
