Ибналаз ацәгьоуцәа макьанагьы иаанкылам

© Sputnik / Томас ТхайцукСИЗО Дранда.
СИЗО Дранда. - Sputnik Аҧсны
Анапаҵаҩра
НовостиTelegram
Жьҭаара 1 2016 шықәса рзы СИЗО "Дранда" аҟынтәи хҩык ацәгьоуцәа бналеит.

АҞӘА, жьҭаара 3 – Sputnik. Аԥсны Аҩныҵҟатәи аусқәа рминистрра Апресс-маҵзура информациа ҳәа акгьы амам жьҭаара 1 2016 шықәса рзы СИЗО "Дранда" аҟынтәи ибналаз хҩык ацәгьоуцәа рыӡбахәала.

Жьҭаара 1 — 2 2016 шықәса рзы, хҩык ацәгьоуцәа— Гурам Инаԥшьба, Реваз Угрехелидӡе, Бачуки Латариа иаркымыз ашәқәа ирыҩнысны административтә корпус ахь инеиит. Уаҟа иҷаԥшьоз асизо аусзуҩцәа аушьҭырҭатә пункт иахьахыламԥшуаз иахҟьаны идәылҵны ибналеит.

Бачуки Латариа, Хоби ақыҭан инхоз абри абахҭаҟынтәи дыбналахьан ԥхынҷкәын 10 2015 шықәса рзы. Аха усҟан иара убри амш азы даанкылан. Бачуки Латариа 2014 шықәса раахыс ашьауӷа ихигоит Аԥсны ашьаустә Кодекс ахәҭаҷ 119 ахәҭа 2 инақәыршәаны. 12 шықәса ихигараны дыҟоуп.

Уажәтәи аамҭазы аоператив-ԥшааратә уснагӡатәқәа рымҩаԥгара иаҿуп.

Аԥсны Аҩныҵҟатәи аусқәа рминистр Аслан Кобахьиа идҵала аизолиатор аиҳабы Геннади Чхетиа инапынҵақәа рҟынтәи ихы дақәиҭтәуп. Аамҭала уи инапынҵақәа неигӡоит аминистр ихаҭыԥуаҩ Виачеслав Џьугелиа.

Ажәабжьқәа зегьы
0