АҞӘА, жьҭаара 5 — Sputnik, Бадри Есиава. Аԥсны аҳәынҭқарратә аурыс драматә театр Шәачатәи атеатртә фестиваль ахь инанагоит Жан-Батист Мольер ипиесала иқәыргылоу аспектакль "Тартиуф". VI Афедералтә фестиваль "Театральный Олимп" мҩаԥысраны иҟоуп Шәачатәи Аӡынтәи атеатр аҟны жьҭаара 5 — 12 рзы. Абри атәы Sputnik иазааицҳаит Аԥсны аҳәынҭқарратә аурыс драматә театр адиректор хада Иракли Хынҭәба.
"Аурыс драматә театр нарԥхьеит афестиваль "Театральный Олимп" ахь. Анаԥхьара луит иара аиҿкааҩ Ольга Сенаторова. Ҳара ҳтеатр араҟа иқәнаргылоит аспектакль "Тартиуф" – иҳәеит Хынҭәба.
Иракли Хынҭәба иазгәеиҭеит Аурыс драматә театр аконкурстә программа ишалам, сасык иаҳасабала анаԥхьара шамоу. "Тартиуф" ала иаартхоит афестиваль.
VI Афедералтә фестиваль "Театральный Олимп" мҩаԥысраны иҟоуп Шәачатәи Аӡынтәи атеатр аҟны жьҭаара 5 — 12 рзы.
2016 шықәса рзы афестиваль иалахәхоит атеатрқәа быжьба. "Театральный Олимп"мҩаԥысуеит 2011 шықәса раахыс.
