АҞӘА, жьҭаара 6 — Sputnik. Арадикалтә гәыԥқәа ажәылара мҩаԥыргеит Слеиман-аль-Халиабии Бустан-аль-Башеи рыкварталқәа рҟны. Ажәылара ԥхьацан.
"Шьамтәылатәи ар Слеиман-аль-Халиабии Бустан-аль-Башеи ирылсуа афронт ацәаҳәаҿы иреихсуан атеррористцәа. Ар ирылшеит ажәылара аанкылара", ҳәа еиҭеиҳәоит амҵзура аусзуҩы.
Иҟоу адыррақәа рыла аиҳабыратә мчрақәа рыруаа рыбжьара иҟоуп ихәу, ишьу. Ажәылара инаваргыланы атеррористцәа рҽазыршәеит аҭынчуааԥсыра ахьыҟоу араионқәа минамиотла рылахысрагьы.
Аиҳаракгьы ақьырсианцәа реиланхарҭаҿы. Араҟа иҟоу ацәыӡқәа рзы макьаназ адыррақәа ыҟам.
Аиҳабыратә ар ирҿагылоуп атеррористтә гәыԥқәа "Джебхат ан-Нусра" "Сирийская свободная армия", "Нуреддин аз-Зинки".
Жьҭаара 1 инаркны Слеиман аль-Халиаби излагаз аиҿагыларақәа ирыхҟьаны Алеппо акварталқәа рахь аӡы неиуам, избанзар аӡымҩангага цәаҳәа иааиԥмырҟьаӡакәа иаехсуеит атеррористцәа.
