Ԥҟаррада ақәԥара ахәыҷқәа рыбжьара иақәыӡбоит Аԥсны абоксаз Афедерациа

© Sputnik / Томас ТхайцукАбокс азы азыҟаҵаҩ Алик Карди-оглы
Абокс азы азыҟаҵаҩ Алик Карди-оглы - Sputnik Аҧсны
Анапаҵаҩра
НовостиTelegram
Грозныи ақалақь аҟны имҩаԥысит ԥҟаррада ақәԥара атурнир, иара аҳәаақәа ирҭагӡаны ахәыҷқәа рыбжьарагьы имҩаԥган аиндаҭлара.

АҞӘА, жьҭаара 6 — Sputnik, Бадри Есиава. Грозныи ақалақь аҟны имҩаԥысит ԥҟаррада ақәԥара атурнир, иара аҳәаақәа ирҭагӡаны ахәыҷқәа рыбжьарагьы имҩаԥган аиндаҭлара.

Уи Рамзан Кадыров иҭаххароуп, ахәыҷқәа рыбжьара асеиԥш аиндаҭлара амҩаԥгара иашам, ҳәа азиҳәеит Аԥсны абоксазы афедерациа аиҳабы Алик Карди-оглы.

"Абри ахҭыс аганахьала ҳфедерациа аҳәамҭа ҟанаҵеит. Уи адагьы Урыстәылатәи афедерациа анапхгара ашәҟәы рзаҳашьҭит усеиԥш уаҳа иҟамларцаз. Иалшон арыцҳара ҟалар", — иҳәоит иара.

Алик Карди-Оглы иажәақәа рыла рышәҟәы аҭак рмоуц, аха ауснагӡатә аиҿкааҩцәа лахьы ӷәӷәа роуп ҳәа игәы иаанагоит. Ахәыҷқәа рзы, рыԥсихиказы ари аҩыза аспортхкы шәарҭоуп иҳәоит иара.

"Ахәыҷқәа иашалаҵәҟьа еиқәԥон. Ахыхьчага шлемқәа рхамызт. Уи акыр ишәарҭоуп", — иҳәеит иара.

Грозныи ақалақь аҟны ахәыҷқәа рыбжьара имҩаԥысыз атурнир азыԥхьагәаҭан Рамзан Кадыров имшира аҽны. Аиндаҭлара иалахәын Кадыров иҷкәынцәа хәыҷқәагьы.

Ажәабжьқәа зегьы
0