Гагәылиа: атрадициатә медицинаҟны китаитәи аԥышәа ахы иархәатәуп

© Sputnik / Томас ТхайцукАԥсны Ахәаахәҭра-ааглыхратә палата ахаҭарнакцәеи атрадициатә медициназы китаитәи аделегациа реиԥылара
Аԥсны Ахәаахәҭра-ааглыхратә палата ахаҭарнакцәеи атрадициатә медициназы китаитәи аделегациа реиԥылара - Sputnik Аҧсны
Анапаҵаҩра
НовостиTelegram
Аԥсны Ахәаахәҭра-ааглыхратә палата ахаҭарнакцәеи атрадициатә медициназы китаитәи аделегациа реиԥылара мҩаԥысит ахәаша, жьҭаара 7 рзы.

АҞӘА, жьҭаара 7 – Sputnik, Бадраҟ Аҩӡба. Аԥсны Ахәаахәҭра-ааглыхратә палата ахаҭарнакцәеи атрадициатә медициназы китаитәи аделегациа реиԥылараан, Аԥсны Ахәаахәҭра-ааглыхратә палата ахада Генади Гагәылиа иазгәеиҭеит атрадициатә медицинаҟны китаитәи аԥышәа ахы иархәатәуп ҳәа.

"Адунеи аҟны еицырдыруеит китаитәи амедицина. Иара адунеи аҿы зегь раасҭа имаҷны ахархәара анаҭоит афармацевтикатә ааглыхра. Иарбанызаалак аимадарақәа, иахьа ихацҳаркуа, шьаҭаны ирзыҟазароуп агәреибагареи аҳаҭыреиқәҵареи", — иҳәеит гагәылиа.

Иара иажәақәа рыла Аԥсны гәҭакны иамоуп атуристтә медицина ахархәара.

"Ҳара ирацәаны аԥсуа традициатә медицина адыррақәа ҳцәыӡит. Урҭ еиҭашьақәыргылатәуп. Абрахь китаитәи атрадициатә медицина ахархәарагьы ацлар, зынӡа ибзиоуп", — иҳәеит Гагәылиа.

Аимдареи аусеицуреи реилазаара "Россия – Восточная Европа – Центральная Азия" ахантәаҩы Геи Чжлиицәажәараан инаҵшьны иазгәеиҭеит амедицина аусхк аҟны Аԥсни Китаии русеицура аинтерес аманы ишыҟоу.

"Амедицина ҳәаадоуп. Ауаа ацхыраара рыҭара – зегь раасҭа ихадоу усуп", — иҳәеит иара.

Китаитәи атрадициатә медицинеи афармацевтикеи рыҭҵаареи рхархәареи рзы жәлартә ассоциациа ахантәаҩы Цзиало Чень иазгәеиҭеит Аԥсны китаитәи атрадициатә медицина аклиника аартра шазыԥхьагәаҭоу.

Амедицина адагьы ирылацәажәан атуризм, асасааирҭатә бизнес, ақыҭанхамҩа, афинансқәа рызҵаарақәа.

Ажәабжьқәа зегьы
0