АҞӘА, жьҭаара 7 – Sputnik, Бадри Есиава. OFS аверсиала Аҟәа имҩаԥысуаз жәларбжьаратәи атурнир аҟны Даӷьысҭантәи аспортсмен атурнир ачемпион ҳәа ахьӡ игеит.
Алиара Саркерови Бразилиатәи аспортсмен Маурисио Мачадои рықәгылара аамҭа рацәа амгеит, аха даара аинтерес аман. Рымчқәа ирмегӡакәа иԥыршәон, рхы иадырхәон джиу-джитсуи греплинги рмаанақәа. Актәи араунд аҵыхәтәантәи асекундқәа рзы Алиар "Тигра" Саркеров их иаирхәаз амаанала диааиит.
"Асеиԥш џьаргьы адгылара сырымҭацызт. Сара исгәаԥхеит даара Аҟәа ақәгылара. Иҭабуп", — иҳәеит иара.
Аԥсны Ахада Рауль Ҳаџьымба аиааиҩы ииҭоит OFS-9 "Битва в Абхазии" ачемпион ихраҿа.
OFS аверсиала Аҟәа, жьҭаара 6 рзы имҩаԥысуаз жәларбжьаратәи атурнир иалахәын 24-ҩык аспортсменцәа, 11 тәыла рҟынтәи (76-112 кьыла ирыҵаркуаз).
Америкатәи ақәԥаҩ, грипплинг азы адунеи ҩынтәтәи ачемпион, ԥҟарада ақәԥаразы адунеи ачемпион Џьефф "Снеговик" Монсон Нхыҵ Уаԥстәылатәи аспортсмен Леуан Персаев ититул изимымҟьеит. Араундцҵа алҵшәақәа рыла аспортсменцәа еиваҟәалоит ҳәа ишьан.
Аԥсуа спортсмен Александр Тәанба диааиуеит Урыстәылатәи аспортсмен Шадмон Шарафов. Егьи ҳаспортсмен Енрик Агрбагьы Магомед Абдурахимов дииааиит.
Актәи аиԥылараҟны еиԥылеит Идрис Алиеви Михаил Газаеви. Урҭ реиндаҭлара минуҭк ицон. Аԥыжәара игеит Михаил Газаев.
