АҞӘА, жьҭаара 14 – Sputnik, Роберт Џьопуа. Амҩатә ԥҟаррақәа гәазҭо, еиҭарго афотои авидеокамерақәа ргылахоит рацәак хара имгакәа, иҳәеит Sputnik акорреспондент аинтервиу анииҭоз иҳәеит Аԥсны Аҳәынҭавтоинспекциа аиҳабы Наур Смыр.
"Еиҭаргоу афотои авидеокамерақәа ааргахьеит, урҭ аа-цырак ыҟоуп. Иааиуа амза инаркны аҳәынҭавтоинспекциа рхы иадырхәо иалагоит. Дара ргылахоит еиҳа ишәарҭоу амҩатә ҭыԥқәа рҟны. Урҭ автомашьынақәа рныҟәашьа ҭарыҩуеит, иахылаԥшуеит. Аинформациа зегьы нашьҭхоит ГАИ астационартә постқәа рахь", — иҳәеит Смыр.
Смыр иажәақәа рыла амҩатә ԥҟарра еилазгаз амашьынарныҟәцаҩ азин имоуп аҭыԥаҟны ахараԥса ишәарц.
Наур Смыр иҿцәажәара шәазыӡырҩыр ҟалоит абра
"Аԥҟарра еилазгаз азин имоуп апост аҟны иргылахо атерминал аҿы ахараԥса ишәарц. Уи мап ацәикуазар аԥкаанҵа изылырҩаауеит, ахараԥсагьы иахьиҭаху ишәар ауеит", — иҳәеит иара.
Аҳәынҭавтоинспекциа аиҳабы Наур Смыр иазгәеиҭеит автоинспекциа аусзуҩцәа русура аиӷьтәразы азакәанԥҵаратә база аиӷьтәра шаҭаху.
