АҞӘА, жьҭаара 21 — Sputnik. ИАР аусқәа рзы Аҳәынҭқарратә дума аилак абжьагара ҟанаҵеит Аԥсни Урыстәылеи рыбжьара ашьаусқәа рҟны азинтә цхыраара рибаҭаларц азы Аиқәшаҳаҭра аратификациа азузарц. Адокумент аратификациа азузарц адепутатцәа ирыдигалеит Урыстәыла Ахада Владимир Путин ԥхынгәымзазы. Аиқәшаҳаҭра анапы аҵаҩын Санкт-Петербург лаҵарамза 28 2015 шықәса рзы.
Аиқәшаҳаҭра инақәыршәаны аганқәа хыдҵаны иргоит ашьаусҭҵаареи, аӡбратә еилкаарақәеи егьырҭ апроцессуалтә усқәеи рҟны азинтә цхыраара рибаҭаларц. Аиқәшаҳаҭра иҳәаақәнаҵоит аганқәа ирибаҭо аицхыраара ахышәа-ҵышәа, азинтә цхырааразы инашьҭу азыҳәа аформа, азыҳәа анагӡаразы аԥҟаррақәа.
"Аиқәшаҳаҭра Урыстәылатәи Афедерациа азакәанԥҵара иазыԥхьагәанаҭо аԥҟаррақәа ирықәымшәо аԥҟаррақәа амоуп. Иаҳҳәап, Аиқәшаҳаҭра ахәҭаҷ 6 апункт 1 апунктҵаҟа 1 аҟны иарбоуп азыҳәа ззыруа атәыла асуверенитети, ашәарҭадареи, азинеиҿкаареи аԥхасҭа рнаҭозар. Азинтә цхыраара аҟаҵара мап ацәкхоит ҳәа", арбоуп аилыркаагатә цҵаҟны.
Аиқәшаҳаҭра иаҵанакуеит анормақәа, ззы ауаҩԥсы, атәылауаҩ изинқәеи ихақәиҭрақәеи рҳәаақәҵара хаданы иҟоу.
