Визада аиҭанеиааиразы аиқәшаҳаҭра анапы аҵаҩуп

© Sputnik / Илона ХварцкияАԥсни Приднестровиеи рганқәа реиԥылара
Аԥсни Приднестровиеи рганқәа реиԥылара - Sputnik Аҧсны
Анапаҵаҩра
НовостиTelegram
Аԥсны Адәныҟатәи аусқәа рминистрраҟны имҩаԥысит Аԥсни Приднестровиеи рганқәа реиԥылара.

АҞӘА, жьҭаара 25 — Sputnik, Бадраҟ Аҩӡба. Аԥсны Аҳәынҭқарреи Приднестровиатәи Молдавиатәи Ареспубликеи ртәылауаа визада реиҭанеиааиразы Аиқәшаҳаҭра рнапы аҵарҩит Аԥсны Адәныҟатәи аусқәа рминистрраҟны жьҭаара 25 рзы.

"Иахьа арахь ҳаара иаанарԥшуеит ҳтәылақәа рыбжьара ишьақәгыланы иҟоу аизыҟазаашьа бзиақәа, иунарбоит ҳреспубликақәа ԥхьаҟатәи аинырра ишазыхиоу. Ҳаимабзиара иалнаршоит ԥхьаҟагьы ҳусеицура алҵшәа бзиақәа аанашьҭуа аҟалара", — иҳәеит Аԥсны Адәныҟатәи аусқәа рминистр Даур Ақаҩба.

Аминистр ҭабуп ҳәа реиҳәеит приднестровиатәи аделегациа алахәылацәа Аԥсны адәныҟатәи аполитика адгылара ахьарҭо азы.

"Шәара шәвизит наҟ-наҟгьы ҳаидгылареи ҳаимабзиареи иацхраауеит. Агуманитартәи акультуратәии егьырҭ аусхкқәеи рҟны ҳаинырра аимпульс ҿыцқәа рнаҭоит", ҳәа азгәеиҭеит Ақаҩба.

Приднестровиатәи Молдавиатәи Ареспублика Адәныҟатәи аусқәа рминистр Витали Игнатьев иазгәеиҭеит аҩ-тәылак реизыҟазаашьа ҳәаақәызҵо урҭ ахақәиҭреи ахьыԥшымреи рзы иҟарҵо аҽазышәарақәа роуп ҳәа.

"Ҳтәылақәа рыбжьара имаҷымкәа аиқәшаҳаҭрақәа анапы рыҵаҩуп. Сгәы иаанагоит урҭ ҳажәларқәа рыԥсҭазаара аиӷьтәра иазырхоуп ҳәа", — иҳәеит иара.

Визада аиҭанеиааиразы Аиқәшаҳаҭра адагьы анапы аҵаҩын Аԥсны Аҳәынҭқарра Аиҳабыреи Приднестровиатәи Молдавиатәи Ареспублика Аиҳабыреи рыбжьара аҵара аҩаӡареи ма азыҟаҵашьеи рзы адокументқәеи, аҵарадырратә ҩаӡареи ахьыӡқәеи, академиатә шәҟәырбагақәеи наҟ-ааҟ разхаҵареи реиԥшызаареи рзы Аиқәшаҳаҭра.

Аиқәшаҳаҭра знапы аҵазҩыз Адгәыр Какоба иазгәеиҭеит ари адокумент Аԥсни Приднестровиеи ртәылауаа рҵареи русуреи рганахьала алшарақәа шаԥнаҵо.

Ажәабжьқәа зегьы
0