АҞӘА, жьҭаара 26 — Sputnik. Урыстәыла иҟоу Аԥсны Ацҳаражәҳәаҩ Игор Ахбеи Урыстәылатәи Афедерациа Адәныҟатәи аусқәа рминистр ихаҭыԥуаҩ Григори Карасини алацәажәеит атәылақәа рыҩба рыдәныҟатә политика аспектқәак.
"Ирылацәажәан атәылақәа рыҩба аинтерес ззеицрымоу азҵаарақәа иара убасгьы атәылақәа реизыҟазаашьақәа рызҵаара. Аинырреи аиҿцәажәареи рыпрактика ԥхьаҟагьы иацҵахоит", ҳәа аҳәоит адырраҭараҟны.
Нанҳәа 26 2008 шықәса рзы Урыстәылатәи Афедерациа Ахада Дмитри Медведев инапы аҵеиҩит Ақәҵара Аԥсны ахьыԥшымра азхаҵаразы. Абри ашьҭахь, цәыббра 5 2008 шықәса рзы абри амҩала иныҟәеит Ареспублика Никарагуеи, Ареспублика Венесуелеи иара убасгьы Науру, Вануату, Тувалу.
