АҞӘА, жьҭаара 26 — Sputnik. Аԥсны иҟоу Урыстәыла Аладатәи арратә округ аруаа атехника ҷыдеи абџьари аӡынра разыҟаҵара иалагеит, ҳәа аанацҳауеит арратә округ апресс-маҵзура.
Аполигонқәа Ҵабали Нагвалоуи рҟны иаартуп 30 рҟынӡа иҷыдоу атехникатә маҵзура амҩаԥгарҭа, зыҟны 50 инареиҳаны атехнологиатә операциақәа мҩаԥырго.
"Аԥсны Аҳәынҭқарраҟны иҟоу Аладатәи округ арратә база атехникеи аџьаԥҳани аӡынра разыҟаҵара аҳәаақәа ирҭагӡаны ихацдыркит урҭ рмаҵзура. Аусурақәа ирыдыԥхьалоуп зықьҩык инареиҳаны амеханик-ныҟәцаҩцәа, арратә машьына аекипажқәа, аремонттә ҟәшақәа рмаҵзурауаа. Арегион аҟны аҳауатә ҭагылазаашьа азыԥхьагәаҭаны ацәаакыра ҳаракаҿы атехника аусура иаздырхиоит", ҳәа арбоуп адырраҭараҟны.
Атехника амаҵзуразы ахархәара аҭахоит 35 тонна антифризи 20 тона еиуеиԥшым амашьынатә хәшақәеи. Асезонтә маҵзура мҩаԥгахоит 2016 шықәса абҵарамзанӡа.
