"Аԥсны убриаҟара ирацәахеит амашьынақәа рхыԥхьаӡара, ауаа рхыԥхьаӡара иаҟроума уҳәо аҟынӡа инеины иҟоуп. Ганкахьала ари угәы иахәартә иҟоуп, аԥсуа економика шаҳараку унарбоит, аха даҽа ганкахьала ҳауаажәлар рыхдырра амҩаҿы уиаҟара иҳаракым", — иҳәеит Шьынқәба.
"Хра злоу ахҭысқәа": Абыргцәа рхеилак ахантәаҩы Аполлон Шьынқәба дазааҭгылеит аҵыхәтәантәи аамҭазы ирацәахаз амҩатә машәырқәеи, урҭ раԥыхразы иҟаҵатәуи, иааиуа амчыбжь азы имҩаԥыргараны иҟоу аизарақәеи ртәы.
Аполлон Шьынқәба иажәақәа рыла амҩатә машәырқәа зыхҟьо амзызқәа ируакуп Аԥсны иҟоу амашьынақәеи амҩа аҭагылазаашьеи ахьеиқәымшәо.
Аԥсны абыргцәа рхеилак ахантәаҩы Аполлон Шьынқәба иҿцәажәара шәаԥхьар ҟалоит абра
