АҞӘА, жьҭаара 31 – Sputnik, Бадраҟ Аҩӡба. Хәҩык Аԥснытәи аспортсменцәеи ҩынҩажәижәабаҩык Урыстәылатәи аспортсменцәеи алахәын Аҟәа ендуро азы имҩаԥысуаз ачемпионат. Абри атәы ааицҳаит Sputnik акорреспондент.
"Ендуро – иҳәоит Аԥснытәи амотоспорт Афедерациа аӡбаҩ Андреи Волохов, — мотоциклла аиндаҭлароуп. Ахаҳәқәа, анышәаԥшь, аԥслымӡ – абарҭ зегьы дырхысроуп аспортсмен мотациклла".
Андреи Волохов иажәақәа рыла Урыстәылеи Аԥсни амотоциклтә еиҿкаарақәа аамҭак ала еицымҩаԥыргоит амотоциклқәа рыла ендуро азы Аԥсны ачемпионати Урыстәыла ачемпионат аетапи.
Аиндаҭларақәа ԥшьынтәуп Аԥсны имҩаԥысуеижьҭеи.
Сынтәа аиааира игеит Аԥсны ахьӡала иқәгылоз Австриатәи аспорцмен Мартин Фердинанд.
