Италиа адгьылҵысра ҟалеит

Анапаҵаҩра
НовостиTelegram
Амилаҭтә Граждантә оборона аинформациала иԥсызи ихәуи рзы макьана адыррақәа ыҟам.

АҞӘА, жьҭаара 31 — Sputnik. Амҽыша ашьыжь, асааҭ быжьба рзы адгьылҵысра ҟалеит Италиа. RaiNews24 адыррақәа рыла 7,1 рҟынӡа инаӡон. Европатәи асеисмоцентр (EMSC) иҟанаҵо адырраҭарақәа рыла адгьылҵысра аепицентр адгьыл аҵаҟа жәа километрак иҟан, амагнитуда 6,6 инаӡон.

Абгарақәа рзы аинформациа аарышьҭуеит аиҳарак Маркеи Умбриеи рраионқәа рҟынтәи. Урҭ араионқәа рҿоуп жьҭаара 26 рзы змагнитуда 5,9 иҟаз адгьылҵысра ахьыҟаз.

Ақыҭа Усситаҿы ибгам хыбрак аанханы иҟам.

"Зегь еилажьуп. Ари џьаҳанымуп", ҳәа ҭелла ажурналистцәа иреиҳәеит Уссита амер Марко Риналди.

Аҵыхәтәантәи амчыбжь азы Италиа изныкым ана-ара адгьыл ҵысуеижьҭеи. Убас, жьҭаара 26, асааҭ 19.11 (20.11 мск) рзы иҟалеит актәи адгьылҵысра (5,4 магнитуда), аҩбатәи ҟалеит 21.18 (22.18 мск) сааҭ рзы. Уи амагнитуда иартәон 5,9. Урҭ инарышьҭарххны имҩаԥысит адгьылҵысрақәа аҽа ԥшьба, змагнитуда 4,0 баллк иҟаз.

Ажәабжьқәа зегьы
0