АҞӘА, абҵара 2 – Sputnik, Бадраҟ Аҩӡба. Аԥсны жәлар Рџьынџьтәылатә еибашьра аинвалидцәа рхыԥхьаӡара ҵаҵӷәыда азҳара иаҿуп иҳәеит Рауль Ҳаџьымба аҩаша имҩаԥигоз аилацәажәараҟны.
"Зегь рыхьӡқәеи рыжәлақәеи аадыруеит. Дара даргьы зегьы еибадыруеит. Аӡә ихьызгьы егьи иахьихьыз идыруеит. Иԥшӡам", — иҳәеит Ҳаџьымба.
Атәыла Ахада иазгәеиҭеит есышықәса аинвалидцәа рхыԥхьаӡара ишацло, аиҳаракгьы урҭ ртәанчахәы анышьҭыхха.
"Атәанчахәы иацҵатәуп, аха уи аферақәа рахь ҳнанагоит", — иҳәеит иара.
Рауль Хаджимба уаанӡа адҵа ҟаиҵахьан аинвалидра ашьақәыргылара апроцесс аанкылазарц. Иара ихаҭыԥуаҩи аԥыза-министри рнапы ианиҵеит абри азҵаара аус адыруларц.
