АҞӘА, абҵара 2 — Sputnik, Рада Ажьиԥҳа. Ашьапылампыл асразы аицлабра "Динамо-Сухум" ақәыԥшцәа рыбжьара есышықәса имҩаԥыслоит ҩынтә, абри атәы иҳәеит ашьапылампыл асратә клуб "Динамо-Сухум" аусеицуразы анапхгаҩы Геннади Скворцов, Sputnik Аԥсны имҩаԥысыз апресс-конференциаҿы.
"Ақәыԥшцәа рыбжьара аицлабрақәа мҩаԥыслоит ашықәс аҩныҵҟа ҩынтә, ҭагалани ааԥыни, иагьахьыӡхоит "Кубок "Динамо-Сухум". Амшын Еиқәа аҿықәан ари акоманда зегьы иреиҳауп, ибеиоу аҭоурых амоуп, аспорт иадҳәалоу атрадициақәа бзиақәагьы амоуп. Иахьа аклуб иамоуп ахәыҷтәы командақәа хәба. Ари атурнир ҳара ҳхала имҩаԥаҳгоит, даара ҳгәы иаахәеит асацә аахьаҳзааз, еиҳаракгьы Аахыҵ Уаԥстәылантәи иахьааз. Аицлабра иалахәуп аԥснытәи акомандақәа ԥшьба, дара ашьапылампыл даара бзиа ирбоит, рыхгьы бзианы иаадырԥшыр рҭахуп", — иҳәеит Скворцов.
Геннади Скворцов иажәақәа рыла, ари аҩыза аицлабра азыҟаҵаҩцәа рыбжьара аԥышәа аимадарызи ахәыҷқәа реизааигәатәреи иацхраауеит. Аицлабра иалахәуп акомандақәа фба: "Динамо", "ДЮСШ", "Нарт", "Гал" Аԥснытәиқәоуп, "Краснодар" Урыстәылантәи иааит, "Спартак" Аахыҵ Уаԥстәылантәиуп. Ихыркәшахоит атурнир ахәаша, абҵара ԥшьба рзы.
